الأمثال الشعبية في حلب

الأمثال عن الجار:

• جارك متل أخاك ما شاف وجك شاف قفاك.
• قبول دارك وأمن جارك.
• الجار الو على الجار ولو جار.
• يا جار العمر كارمني ولو شهر.
• كوم حجار ولا هيك جار.
• لولا جارتي فقت مرارتي.
• الجار قبل الدار.
• ريد الخير لجارك تلقاه في ديارك

الأمثال عن المرأة والزواج:

• ذا شفت البرغل ع ايديها بوسها من بين عينيها، واذا شفت العجين ع ايديها طلقها ولا تندم عليها.
• ما تحكي على جوزك لصاحبتك يا حسدتك يا أخدته وقهرتك.

الأمثال عن عمل الخير:

• الله ما بترك حمل واقع على الأرض.
• الله ما بنسى الدود في الحجر الجلمود: أي أن الله لا ينسى مخلوقاته وعبيده مهما كانوا منعزلين.
• رب بكرا بدبر بكرا: رب الغد يساعد على حل مشكلات الغد.
• خود الدوا من أيد العبد وسلم أمرك للرب: خذ الدواء من الطيب واترك أمر الشفاء للرب⁽¹⁾.

الأمثال عن الشماتة والتعيير:

• لاتعيب بتتلتقي لو كنت شيخ تقي.

الأمثال عن الولائم والدعوات والمناسبات:

يلي بعزمك لاتخجلوا واللي بتعزموا لاجور عليه عيفوا على راحته

الأمثال والشهور:

أمثال أخرى:

• اللي مابرده مرضعه ضرب السيف مابينفعه
• الحَماية يلي بتحب الكنة إلها كرسي بالجنة..
• الحَماية يلي بتحب الصهر عجبة من عجايب الدهر..
• دلل حماتك وكساب ودها أحسن ما تفتحلك طاقة ما تقدر تسدها..
• إذا زيتك لزمك..بيحرم عالجامع.
• لو بدي اصرف من كيسي ما بسميك عريسي
• عاشر الغني بيغنيك وعاشر الجربان بيعديك
• كل ما فتح جزدانو بترجف سيقانو
• وقت الشغل بتقول مريضه ووقت الاكل بتقول وين ملعقتي العريضه
• خبزة وجبنة بهدوء ولا عزيمة مطنطنة وشم ولا تدوء
• قال الجمل لو شاف حردبتو لوقع وانكسرت رقبتو
• لولا الحسد والظنة كانو كل الناس دخلو الجنة
• قلل ناسك بيرتاح رأسك
• لولا النسيان ما ضحك إنسان
• كل شي بالسيف الا المحبة بالكيف
• اذا غلي عليك الضاني مَيِّل على الحمصاني
• لاتستعيري من الجارة والخضري براس الحارة
• طبخة الشطاطة مفركة بطاطا
• عزيمة بدون كبة متل جامع بلا قبة
• وقت بتنتهي المصالح، بيصير الحلو مالح
• ياحماتي لا تقولي عني شرنة ما انتِ كنتِ قبلي كنة.
• قالوا للعاطل صير منيح، قلهم بيصيرلي اسمين
• بكره بدوب التلج وبان المرج
• مافي بالدفة ولابسمار
• رايح عجسر الصوف
• اجت الحزينه لتفرح مالاقتها مطرح
• هاد جيل الادرع بياكل بياكل مابيشبع بتحكي معه كلمة مابيسمع بروح على شغلة مابيرجع
• ستي ما أجت بعتت خفا
• المال اللي مو ببلدك لاالك ولالولدك
• الغربة كربة ومضيعة الاصول
• احتار عرضي لمين دو يرضي
• أم الصبي اول سبعة ملعبك، تاني سبعة ليقضي حاجتك، تالت سبعة بياخد بنت جارتك وبيفقع مرارتك وبيطلع من حارتك.
• توب الغيرة مابدفي ونسوان الأخوة مابتلفي.
• عمرو القرش ما بخبي الشرش، كوم شروش ولاكوم قروش.
• احترنا يا قرعة منين نمشطك.
• بيشتغل الموشوم حتى ماحدا يقله قوم.
• الحماية يلي بتحب الصهر عجبة من عجايب الدهر، والصهر قرف رقبته ولايشوف حماته عسفرته، ورفسة الفيل ولاصباح العديل.
• قال من قلة الرجال بحارتنا سَمَينا الديك أبو علي.
• ميشي و( عبهرتم) مافهمت عليه ولا كلمة.
• يللي بيجي مع اللبن بدو يروح مع الكفن.
• الطبع الردي غالب ودنب الكلب اعوج لو حطوه بالقالب.
• فالج ولا تعالج.
• الطبع يغلب التطبع.
• خسى الجوع يقولها الكريم.
• جوع الجربوع تقال لمن يأكل كثيراً.
• ومرضع فيران تقال للاولاد النهمين صباحا الطالبين للطعام.
• الشام ومياتا وحلب واكلاتا وحمص وبناتا.
• ما تاخد صاحبك الا من بعد قتلة.
• ال ربيه بيغلب اللبه.
• هدول ما بيعجبن العجب و لا الصيام برجب.
• كل حجرة والها اجرة.
• بعد الأم حفور وطم.
• يابنتي الف ليلة كدر ولا ليلة تحت الحجر.
• كأنك يابو زيد ماغزيت.
• شهاب الدين أضرب من أخاه.
• ابونجيب خود وجيب.
• ياحسين راقب ايدي عبيقطع اللحمة لبيت.
• من بعد ما أَكَل وإتكىٰ، ذَكَر حماتو وبَكَىٰ.
• ما عندو ولد هم واللي عندو ميت هم.
• خضرة الديار بطول العمار.
• كلشي بيتأكل بالحشمة الاالتوت بالكمشة.
• يوم الكبب هيروالقرب.
• عيوبي لا أراها، عيوب الناس اركض وراها.
• يامصعب لفو ويامسهل سفو.
• من بعد الام حفور وطم ومن بعد الاب الك رب.
• اللي جمعته السَمرَة، حطتو حق خطَاط وحُمرَة.
• طلبتها المشتهية، أكلتها المستحية.
• اللي ما بحسب ما بيسلم.
• خبز الشعير بلامنخل منين العافية بدها تدخل، خبزكم درة وخبزنا درة ليش هالكركرة.
• العين مغرفة الكلام ، يللي مايأثر فيه الكلمة، مايأثر فيه ضرب السيف.