الأمثال الشعبية في سورية
الأمثال الشعبية بحسب المحافظات السورية
الأمثال الشعبية بحسب الموضوع
تنوعت الأمثال الشعبية وطالت مختلف مناحي الحياة والمعيشة والعمل والتنقل، ومن الصعوبة بمكان حصر تلك الأمثال الشعبية، ومنها:
الأمثال الشعبية حول حفل الزفاف والزواج
• إذا بنتك كرهانا أعطيا لكرسانا. (اللاذقية).
• أوعك تتجوزي مكاري، ليله عندك، وعشره بالبراري (المكاري) ينقل الناس بالأجرة. (حمص).
• اللي ابتسأل جوزها بموسم البيتنجان، شو بدي أطبخ؟ بتطلق. (حمص).
• الزوج زندو إلا لزوجته مراي. (حمص).
• لا تأخذ النطاطا، ولو كانت خياطا (حمص).
• المرا بلا جواز متل الجنينة بلا سياج. (حمص).
• يابنتي الف ليلة كدر ولا ليلة تحت الحجر. (حلب).
• بعد العرس مافي زرده البكي على تم الجب. (حلب).
• الصبي في الأربعة ربوعه واذا ماقعد العنوا أمه على أبوه، والبنت بالستة ستوتها وإذا ماقعدت لاتغصبوها (حلب).
• لا تتضحكي يا عروس ياما مخبالك ليلة عرسك (حلب).
• أعزب دهر ولا أرمل شهر (حلب).
• إذا ما في وفاق الأحسن الفراق. (دمشق).
• أعزب دهر ولا أرمل شهر. (دمشق).
• أكلها لحم ورماها عضم. (دمشق).
• الحق الدروب ولو طالت، والحق البكر ولو بارت. (دمشق).
• امش بجنازه، ولا تمش بجوازه. (دمشق).
• إذا بدك تناسب لا تحاسب. (دمشق).
• إذا حبيبك غالي البس له ناري. (دمشق).
• إذا دقيت دق باب كبير، وإذا خطبت اخطب بنت أمير، وإذا عيروك تستاهل التعيير. (دمشق).
• أهل العريس بطنه ورنه، وأهل العروس ما عندهم خبر. (دمشق).
• خود الأصيل ونام على الحصير. (دمشق).
• دن دن يادنه كل مين ياخذ من دنه. (دمشق).
• راح الأعور واتبعور. (دمشق).
• زوج التنتين عريس كل ليله. (دمشق).
• بكل عرس له قرص. (دمشق).
• تلاته ما بيختفوا: الحب والحبل والركب ع الجمل. (دمشق).
• العروس بعقلها وقلة أكلها. (دمشق).
• عزموها اتدللت، خطبوها اتدللت، تركوها تندمت. (دمشق).
• في النهار تخرب بيتها، وفي اليل تحرق زيتها. (دمشق).
• قط ما بيهرب من عرس. (دمشق).
• اللي بيتزوج تنين ياقادر يا فاجر. (دمشق).
• زيوان البلد ولا قمح الجلب. (دمشق).
• العرس بدوما والطبل بحرستا. (دمشق).
• يا أخذ القرد على ماله راح المال وبقي القرد على حاله. (دمشق).
• لا تحب أحسن ما تقع بالجب. (دمشق).
• اللي بيتزوج أكبر منه يا كبر همه، من كبر همه تزوج قد أمه. (دمشق).
• اللي بيتزوج من كيس أمه بيهون عليه الطلاق. (دمشق).
• ما بيحن على العود إلا قشره. (دمشق).
• الطبل في دوما والعرس في حرستا (ريف دمشق).
• ابن العم بينزل العروس من ع الفرس. (السويداء).
• تقول الأم لابنتها: بتجيني بسراجها، ولا تجيني بهديتها. (السويداء).
• جوزوا مشكاح لريمه، ما على الاثنين القيمة. (السويداء).
• ما صدقت امتى طلعت من بيت أبوها. (السويداء).
• وهاظ أحلى مجوز لعيون الشباب. (درعا).
• الرقاصة الغشيمة ابتتحجج بقش الحصيره. (درعا).
• كل عرس وإلو قرص (حماة).
• جوازة البنت سترة (حماة).
• كتروا خطابها وبارت (حماة).
• أجاها عريس قالت أعور مابريده (حماة).
• صقاطة باب الدار،الخطابين حولها كتار (حماة).
• عريس من عود، ولا القعود (حماة).
• يافرحانة بتياب عرسك يا ما وراك من رزايا (حماة).
• ترا بعد العرس مافي قراص (حماة).
الأمثال الشعبية حول العائلة والأولاد
• ابرمي كل البلاد، ولا تأخذي واحد عنده ولاد. (حمص).
• البيت اللي ما فيه ولاد ما ابتدخل له الملايكي. (حمص).
• اللي بياخد الأرملي بتكفل بولادها. (حمص).
• خلفنا طير، صار بده يعلمنا كيف انطير. (حمص).
• لا تحط ابنك ع الحيطان وتقول مقدر ما كان. (حلب).
• أم الصبي اول سبعة ملعبك، تاني سبعة ليقضي حاجتك، تالت سبعة بياخد بنت جارتك وبيفقع مرارتك وبيطلع من حارتك. (حلب).
• بعد الأم حفور وطم. (حلب).
• ما عندو ولد هم واللي عندو ميت هم. (حلب).
• من بعد الام حفور وطم ومن بعد الاب الك رب. (حلب).
• أنا وأخوي ع ابن عمي، وأنا وابن عمي ع الغريب. (حلب).
• مابخاف ع المال غير اللي جناه، ومابخاف ع الولد غير اللي ربّاه (حلب).
• باخد ابن عمي وبتغطى بكمي (حلب).
• رش الفل و انفوخ تحته .. ما احلى من الخال الا ابن اخته (حلب).
• بنتي بأخرتي بتفقس قملتي، وبتعتبي إبرتي في شيخوختي. (السويداء).
• بوه البصل و أمه الثوم، منين بدو يجيب الريحة الجويدة. (درعا).
• قشاش البطون أغلى منو مايكون: يضرب للولد الأخير في الأسرة. (إدلب).
• الرجال لو فحمة بالبيت رحمة (حماة).
• خدوا البنات، من صدور العمات (حماة).
• ستي صفرا، وأجاها الوحام. (حماة).
• رجوع البنت للأساس، أثقل من الرصاص. (حماة).
الأمثال الشعبية حول المال والكسب
• خس زراع ولا تبيع من أرضك دراع. (طرطوس).
• اللي بياخذ من مال المرا بيصير مسخرا. (حمص).
• لو بدي اصرف من كيسي ما بسميك عريسي (حلب – حماة).
• عاشر الغني بيغنيك وعاشر الجربان بيعديك (حلب).
• كل ما فتح جزدانو بترجف سيقانو (حلب).
• عمرو القرش ما بخبي الشرش، كوم شروش ولاكوم قروش. (حلب).
• كل حجرة والها اجرة. (حلب).
• اللي جمعته السَمرَة، حطتو حق خطَاط وحُمرَة. (حلب).
• من قامك بسعره ما ظلمك. (حلب).
• المال السايب بعلم الناس الحرام. (حلب).
• السوم عز اش من صح منه كنز . (حلب).
• قال يالابس الأبيض بالشتى يا مِنْ فقر يا مِنْ غنى (حلب).
• بين البايع والشاري يفتح الله (ريف دمشق).
• دبساتو مراء: أي الدبس يصنع من العنب والتمر ويضرب المثل كناية عن فقر الشخص وضيق يده. (إدلب).
• عديم وقع بسلة تين: يضرب هذا المثل في الفقير المعدوم وفجأة يرى النعم أمامه. (إدلب).
• خلي العسل بجرارو، لتجي أسعاره (حماة).
• بتنفق مية صقاقية، لتنفق ست محظية (حماة).
• يلي بياكل رغيف، مانو ضعيف، ويلي بياكل زبيبة، مافيه ضريبة. (حماة).
الأمثال الشعبية حول المنزل – البيت
• البيت بيتنا وصار علينا صدقه. (حمص – القنيطرة).
• متل بيت كركوز، لا بيدفي، ولا بيستر. (حمص).
• خضرة الديار بطول العمار. (حلب).
• الباب اللي بتجي منو الريح، سدو واستريح (حلب).
• بيت اللي رباكي ماراح وخلاكي (حلب).
• من بيت شقاع لبيت ارقاع لبيت كمل الله افراحكم (حلب).
• خبزتي بالبيت صفقت وغنيت. (دمشق).
• اجري اجري والميه تجري، هلي بيجي لعندي أهلا وسهلاً، وهلي ما بيجي لرجلي. (دمشق).
• الباب المفتوح، والقنديل بيلوح، واللي بيجي بيجي، ويلي ما بيروح بيروح. (دمشق).
• البيت بده نعنع، البيت بده توم، البيت بده رجال من نص الليل يقوم، البيت بلا فراش متل الرجال بلا نسوان. (دمشق).
• اللي ما بيجي لعندي على عيني واللي ما بيجي عينتيني (دمشق).
• الضيف ضيف ولو قعد شتا وصيف. (دمشق).
• الضيف المنظوم بيشرب قهوة وبيقوم- الضيف الشرشوح بياكل وبيروح. (دمشق).
• اللي أمو بالبيت خبزتو مدهوني بالزيت: أي لا يوخشى عليه في مأمن عند أرأف الناس به. (إدلب).
• يلي بدو يعمل جمال بعلي باب الدار (حماة).
• با فتاح بابك وافتخر، يا إما سكرو وانستر. (حماة).
• الحيط على الحيط، وتنكة الزباله سوا. (حماة).
• البيت الرباني مابينساني. (حماة).
الأمثال الشعبية حول الرجل
• الولد إذا تزوج متل الدرس إذا سوس. (دمشق).
• اتق شرها بخيرها وخيرها بشرها. (دمشق).
• اخربي بيتك وبيضي وجهك. (دمشق).
• الألفة ترفع الكلفة. (دمشق).
• أنا بحلف وابني بيزلحف. (دمشق).
• جوز القصيرة بيحسبها طويلة. (دمشق).
• جيبوا السمك البايت لأم الهموم لتقشره. (دمشق).
• البطن بستان فيه أشكال ألوان. (دمشق).
• حديث النسوان ورا الباب. (دمشق).
• خاصي جوزك وخاوي بيت حماك. (دمشق).
• شايفه حالها متل الفجلة بالسحارة. (دمشق).
• صامت يوم وتزوقت للعيد. (دمشق).
• على جرن الحمام بتين القرعا من إم الضفاير. (دمشق).
• دموع الفاجرات حاضرات. (دمشق).
• الست بدها جارية، والجارية بدها ست. (دمشق).
• لا تعط سرك لمرتك ولو حبتك وباستك. (دمشق).
• الغنية بتقل خلخالها، والفقيرة بتستر حالها. (دمشق).
الأمثال الشعبية حول الحماة والأصهار
• الحماية ما بتحب الكنى، ولو كانت من الجنى. (حمص).
• الحَماية يلي بتحب الكنة إلها كرسي بالجنة.. (حلب).
• الحَماية يلي بتحب الصهر عجبة من عجايب الدهر.. (حلب).
• دلل حماتك وكساب ودها أحسن ما تفتحلك طاقة ما تقدر تسدها.. (حلب).
• ياحماتي لا تقولي عني شرنة ما انتِ كنتِ قبلي كنة. (حلب).
• الحماية يلي بتحب الصهر عجبة من عجايب الدهر، والصهر قرف رقبته ولايشوف حماته عسفرته، ورفسة الفيل ولاصباح العديل. (حلب).
• من بعد ما أَكَل وإتكىٰ، ذَكَر حماتو وبَكَىٰ. (حلب).
• الصهر أول سنة عروس، وثاني سنه جاسوس، والثالثة حية بسبع روس (حماة).
• الكنة كننها بتكن وجننها بتجنن (حماة).
• الحماية محمة، وبنت الأحمى عقربة مسمة، وعمنا الكبير ما يدخل الجنة (حماة).
• الحماية حمام، وبنت الأحمى بركة وشادروان، وعمنا الكبير بيدخل الجنة أوام قالها آه يامقلبة الكلام. (حماة).
• مين فضح بيت الأمير الكنة والأجير (حماة).
• ردت بنت الإحما وقالت (البرغوث قال للبقة، يضرب الشرشوح إذا ترقى (حماة).
• مكتوب على باب الجنة، بعمرها حماية ماحبت كنة. (حماة).
• على ابنها حنونة، وعلى كنّتها مجنونة. (حماة).
• الكنة عدل ملح، الحماية مابتشيلو (حماة).
• حماتي بطبريّا، وصوتها واصل ليّا (حماة).
الأمثال الشعبية حول الطعام
• ياستي مالي سنان لراحة الحلقوم. (حمص).
• من وفر غداه لعشاه ماشمت فيه عداه (حلب).
• تغدى وتمدد ولودقيقتين، واتعشى واتمشى ولوخطوتين (حلب).
• كل علة ولها دوا. (حلب).
• طبخة الشطاطة مفركة بطاطا (حلب).
• هاد جيل الادرع بياكل بياكل مابيشبع بتحكي معه كلمة مابيسمع بروح على شغلة مابيرجع (حلب).
• خسى الجوع يقولها الكريم. (حلب).
• جوع الجربوع تقال لمن يأكل كثيراً. (حلب).
• ومرضع فيران تقال للاولاد النهمين صباحا الطالبين للطعام. (حلب).
• كلشي بيتأكل بالحشمة الاالتوت بالكمشة. (حلب).
• طلبتها المشتهية، أكلتها المستحية. (حلب).
• خبز الشعير بلامنخل منين العافية بدها تدخل، خبزكم درة وخبزنا درة ليش هالكركرة. (حلب).
• يامسترخص اللحم عند المرقة تندم. (حلب).
• البكي للصغير يا جوع يا موجوع. (حلب).
• ست وجاريتين، على قلي بيضتن. (حماة).
الأمثال الشعبية حول المرأة
• حيل النسوان بتنزل السلطان عن الديوان. (حمص).
• عشرين مرا عطوا عقلهن للجاجه ضيعت القن. (حمص).
• المرا اللي جوزها معها بتدير القمر بإصبعها. (دمشق).
• لا بتحلي ولا بتسلي. (دمشق).
• إن ما كان البيت وجه يزينه، لا بارك الله بالتياب المعلقه. (السويداء).
• المرا إذا كان جوزها معها، امشوا ومشوها، وإذا كان جوزها مو معها امشو واتركوها. (السويداء).
• باتت جوعانة، وجوزها خباز، باتت عطشانة، وجوزها سقا، جحش الورد عطشان. (السويداء).
• سبع مغازل تغزل، والصيت لراعية البيت. (السويداء).
• كل الجمال بتعارك إلا جملنا بارك. (السويداء).
• مش كل مين حبلت جابت صبي. (السويداء).
• ميت قلبه، ولا غلبه. (السويداء).
• وشويشت المخده. (السويداء).
• تفتلي يازهيري، مافي بالدار غيري (حماة).
• بتشوفها بتقول ذهب، بتعاشرها بتقول أبو لهب (حماة).
الأمثال الشعبية حول الجار
• جارك متل أخاك ما شاف وجك شاف قفاك. (حلب).
• قبول دارك وأمن جارك. (حلب).
• الجار الو على الجار ولو جار. (حلب).
• يا جار العمر كارمني ولو شهر. (حلب).
• كوم حجار ولا هيك جار. (حلب).
• لولا جارتي فقت مرارتي. (حلب).
• الجار قبل الدار. (حلب).
• ريد الخير لجارك تلقاه في ديارك (حلب).
• لاتستعيري من الجارة والخضري براس الحارة (حلب).
• قالتلا يا جارتي اسكبيلي، قالتلا بكفوفي او بصحونك للي على رفوفي. (حلب).
• دخانك عمانا، وأكلك ماجانا. (حماة).
• لبغض من القرايب، والحسد من الجيران (حماة).
الأمثال الشعبية حول الولائم والدعوات والمناسبات
• دخانك عماني، وطعامك ما جاني. (حمص).
• يلي بعزمك لاتخجلوا واللي بتعزموا لاجور عليه عيفوا على راحته (حلب).
• خبزة وجبنة بهدوء ولا عزيمة مطنطنة وشم ولا تدوء (حلب).
• عزيمة بدون كبة متل جامع بلا قبة (حلب).
• يوم الكبب هيروالقرب. (حلب).
• متل اهل عنتاب من السفرة عالباب. (حلب).
• الضيف الشرشوح بياكل وبيروح. (حلب).
• واش في كمان عن العزائم والضيوف. (حلب).
• العيد يوم والرعنة قتلت حالها (ريف دمشق).
• الفرح لتنين وقلة العقل لألفين (حماة).
الأمثال الشعبية حول الشرط
• إذا باتت فاتت. (دمشق).
• إذا جن ربعك جن معهن. (دمشق).
• إذا خاصمك الجاهل فقل السلام عليكم. (دمشق).
• إذا كان الكذب بينجي فالصدق أنجى. (دمشق).
• إذا وقع الحمار في الجوره اول مرة، بحيد عنها وتاني مرة. (دمشق).
• إذا وقعت البقرة كترت سكاكينها. (دمشق).
• إذا عجبتك ها الكحلة دنبيها، وإذا ما عجبتك اقطميها. (دمشق).
• إذا كترت همومك نام لها. (دمشق).
الأمثال الشعبية حول الطبع والأخلاق
• شايفه حالها على هالقامي. (حمص).
• لولا الحسد والظنة كانو كل الناس دخلو الجنة (حلب).
• توب الغيرة مابدفي ونسوان الأخوة مابتلفي. (حلب).
• الطبع الردي غالب ودنب الكلب اعوج لو حطوه بالقالب. (حلب).
• الطبع يغلب التطبع. (حلب).
• لاتكبر الله اكبر. (حلب).
• العين بتعلاش على الحاجب (ريف دمشق).
الأمثال الشعبية حول الشهور
• شباط شقد ماشبط ولبط ريحت الصيف فيه. (حلب).
• شمس شباط لكناتي، وشمس أذار لبناتي، وشمس نيسان الي ولشيباتي.وشباط عيد ميلادي ولدت (حلب).
• الصيت لشباط، و الفعل ﻵذار. (حلب).
• خبي حطباتك الكبار لعمك آذار، برده بقص المسمار وهواه بيقلع الأشجار، أوله سقعة وآخره نار، والليل بصير قد النهار (حلب).
• بيخلط شعبان برمضان (حلب).
• التلج خميرة الأرض، أول تلجةسم، وتاني تلجة دم وتالت تلجة كول ولاتهتم (حلب).
• شباط شقد ماشبط ولبط ريحت الصيف فيه (حلب).
الأمثال الشعبية حول العمل والكسل
• وقت الشغل بتقول مريضه ووقت الاكل بتقول وين ملعقتي العريضه (حلب).
• قالوا للعاطل صير منيح، قلهم بيصيرلي اسمين (حلب).
• بيشتغل الموشوم حتى ماحدا يقله قوم. (حلب).
• الشغله صايرة شرولوب. (حلب).
• ال بعمل بإيدو ، الله يزيدو (حلب).
• البشتغل بالطين ماله دين (حلب).
• كل شيئ بالأمل الا البرية بالعمل: يقصد بالبرية هنا الأرض الزراعية ويضرب هذا المثل للحض على العمل وعدم التواكل. (إدلب).
الأمثال الشعبية حول الحظ والنصيب
• غير نصيبك مابصيبك. (حلب).
• حظك يابوالحظوظ بيرد متل لوح البوظ. (حلب).
• قاله ياحظي رايح ع الحمام، قاله أنا سابقك أسدلك الجران (حلب).
• حظ السمرة بالورقة وحظ البيضا بالتنور. (حماة).
• الحظ للقرعة وأم ناب،ويلي ديلها على التراب. (حماة).
• حظ عطيني وبالبحر ارميني. (حماة).
الأمثال الشعبية حول الموت والجنائز
• اسعي بجنازي، ولا تسعي بجوازه. (حمص).
• يللي بيجي مع اللبن بدو يروح مع الكفن. (حلب).
• من طق طق للسلام عليكم. (حلب).
• بيقتلوا القتيل وبيمشو بجنازته (حلب).
• الجنازة حافلة والميت چلب (حلب).
الأمثال الشعبية حول عمل الخير
• الله ما بترك حمل واقع على الأرض. (حلب).
• الله ما بنسى الدود في الحجر الجلمود: أي أن الله لا ينسى مخلوقاته وعبيده مهما كانوا منعزلين. (حلب).
• رب بكرا بدبر بكرا: رب الغد يساعد على حل مشكلات الغد. (حلب).
• خود الدوا من أيد العبد وسلم أمرك للرب: خذ الدواء من الطيب واترك أمر الشفاء للرب (1) . (حلب).
• اجرح وكبر الجرح، مابعد العداوة إلا الصلح. (حماة).
الأمثال الشعبية حول الشماتة والتعيير
• لابد للحزينة تفرح ولو بعرض جارتها. (حمص).
• لاتعيب بتتلتقي لو كنت شيخ تقي. (حلب).
• عيوبي لا أراها، عيوب الناس اركض وراها. (حلب).
• الحلو حلو لو قعد من النوم، والبشع بشع لو لوتغسل كل يوم. (حماة).
• يلي بتاخد قصدي على سوء نية، إن شاء الله تركبها بلية. (حماة).
الأمثال الشعبية حول الصبر والمحن
• اجت الحزينه لتفرح مالاقتها مطرح (حلب).
• يا مستعجل وقف لاقلك. (حلب).
• اللي الو عمر مابتقتله شدة. (حلب).
• مابعد الصبر إلا المجرفة والقبر (حلب).
الأمثال الشعبية حول اللسان والكلام
• ميشي و( عبهرتم) مافهمت عليه ولا كلمة. (حلب).
• العين مغرفة الكلام ، يللي مايأثر فيه الكلمة، مايأثر فيه ضرب السيف. (حلب).
• العين مغرفة الكلام. (حلب).
• والنصيب بسكت الحكواتي (حماة).
الأمثال الشعبية حول الغربة والسفر
• المال اللي مو ببلدك لاالك ولالولدك (حلب).
• الغربة كربة ومضيعة الاصول (حلب).
• رضينا بالبين والبين مارضي فينا. (حماة).
الأمثال الشعبية حول المرأة والزواج
• ذا شفت البرغل ع ايديها بوسها من بين عينيها، واذا شفت العجين ع ايديها طلقها ولا تندم عليها. (حلب).
• ما تحكي على جوزك لصاحبتك يا حسدتك يا أخدته وقهرتك. (حلب).
• طليقك لا ترديه، وعشيقك لا تاخذيه. (حماة).
الأمثال الشعبية حول العزة والآباء
• هين فلسك. ولا تهين نفسك. (حلب).
الأمثال الشعبية الحكيمية العامة
• إذا خطرتوا للاذقاني بيخطرك عطول الزماني. (اللاذقية).
• اضرب المربوط بتربي السايب. (طرطوس).
• أصل السبب مني، بالوادي جريت، وكل عود نشيتو بناري اكتويت. (حمص).
• الدبي قلعت درسا، ما ضرت غير نفسا. (حمص).
• الفرس الكحلا ما بيعيبها جلالها. (حمص).
• النظر للوش الحسن بيورت الفرح. (حمص).
• اللي الله بده يعاقبه بيكتر له تواقبه. (حمص).
• اللي ما بيعرف يدبك بيقول الأرض عرجا. (حمص).
• الله يرحم اللي بكاني، وما يرحم اللي ضحكني. (حمص).
• سمعتني بالحلق، بخشت أداني. (حمص).
• ميت أهلا وسهلا ما بتسوى قيمي حطي الصفرا. (حمص).
• اللي مابرده مرضعه ضرب السيف مابينفعه (حلب).
• إذا زيتك لزمك..بيحرم عالجامع. (حلب).
• قال الجمل لو شاف حردبتو لوقع وانكسرت رقبتو (حلب).
• قلل ناسك بيرتاح رأسك (حلب).
• لولا النسيان ما ضحك إنسان (حلب).
• كل شي بالسيف الا المحبة بالكيف (حلب).
• اذا غلي عليك الضاني مَيِّل على الحمصاني (حلب).
• وقت بتنتهي المصالح، بيصير الحلو مالح (حلب).
• بكره بدوب التلج وبان المرج (حلب).
• مافي بالدفة ولابسمار (حلب).
• رايح عجسر الصوف (حلب).
• ستي ما أجت بعتت خفا (حلب).
• احتار عرضي لمين دو يرضي (حلب).
• احترنا يا قرعة منين نمشطك. (حلب).
• قال من قلة الرجال بحارتنا سَمَينا الديك أبو علي. (حلب).
• فالج ولا تعالج. (حلب).
• الشام ومياتا وحلب واكلاتا وحمص وبناتا. (حلب).
• ما تاخد صاحبك الا من بعد قتلة. (حلب).
• ال ربيه بيغلب اللبه. (حلب).
• هدول ما بيعجبن العجب و لا الصيام برجب. (حلب).
• كأنك يابو زيد ماغزيت. (حلب).
• شهاب الدين أضرب من أخاه. (حلب).
• ابونجيب خود وجيب. (حلب).
• ياحسين راقب ايدي عبيقطع اللحمة لبيت. (حلب).
• يامصعب لفو ويامسهل سفو. (حلب).
• اللي ما بحسب ما بيسلم. (حلب).
• لسه بنط متل حمصة الكي. (حلب).
• اعلى ما في خيلك اركبو. (حلب).
• خيو جصلنا نبضو شعي ب الزايدة ب الناقصة شفلنا القفلة شقد كياتو. (حلب).
• قالو للحرامي حليف، قلن أجاني الفرج. (حلب).
• اشبك على انفك كيلو لحمه مأنشحه. (حلب).
• الارض الواطية بتشرب ميتا ومية غيرا. (حلب).
• ياللي بايده القلم مابيكتب حالو من الاشقيا. (حلب).
• لايصلح العطار ماافسده الدهر. (حلب).
• ضرب الحبيب زبيب. (حلب).
• خربا وقعد على تلتا. (حلب).
• حضرط لا بيحل …ولا بيربط. (حلب).
• الأرض الواطية بتشرب ميتا ومية غيرا. (حلب).
• قلو يا شيخي خطواتك بالجنة قلو بدنا شي يقطعنا. (حلب).
• قاعد بحضنا وعم ينتف بدقنا. (حلب).
• ما تاخد صاحبك إلا بعد قتلة. (حلب).
• عطاه من طرف الجيبة. (حلب).
• ياللي بينك وبينه باب لاتعملو حساب. (حلب).
• إذا ما كبرت ما بتصغر. (حلب).
• ياشي شاق ولاق وفقش المعلاق. (حلب).
• كسر عأنفو بصله وسكت (حلب).
• طلعلو بعجورة (حلب).
• عيش ياكديش ليطلع الحشيش (حلب).
• الي بدو يسكر ما بعد قداح (حلب).
• قله آرع والو چولة، قله شي بغطي شي (حلب).
• ما تاكل الرفسة القوية إلا من حمار ضعيف (حلب).
• هي عينا متل عين بنت ضونو (حلب).
• برووك أعوج و أحكي سيوي (حلب).
• ضربة المعلم بألف , ولو شلفا شلف (حلب).
• الكلب اللي بدك تجره ع الصيد، بيس منه ومن صيده (حلب).
• اذا كفك مابيرويك كف غيرك مابيسقيك (حلب).
• متل ابرقة الزكي اللي مو متشطح مرتكي (حلب).
• جبستين ما بنشالوا بإيد وحدة (حلب).
• حرد الدب عن الكرم زاد العنب قنطار (حلب).
• جاجة حفرت على راسها عفرت (ريف دمشق).
• أعطي الخبز لخبازه ولو أكل نصا (ريف دمشق).
• مجنون يحكي وعاقل يسمع (ريف دمشق).
• اللي بدري بدري واللي ما بدري بيقول كف عدس (ريف دمشق).
• اسأل مجرب ولا تسأل حكيم (ريف دمشق).
• بدنا نلاحق العيار لباب الدار (ريف دمشق).
• ما حد بقول عن زيتو عكر (ريف دمشق).
• ” أيام عنبك وتينك تكتر محبينك” : يقال هذا المثل دلالة على انه في أيام توفر الأموال والخير يصبح لديك الكثير من الأصدقاء والأحباب. وهذا المثل الشعبي من الزبداني في ريف دمشق. (ريف دمشق).
• تيتي تيتي..مثل ما رحتي مثل ما جيتي (الحسكة).
• إن دامت لك هالكحله دنبيها. (السويداء).
• قلبي من الحامض لاوي. (درعا).
• يلي مثلي تعال عندي واني عليك داير. (درعا).
• اجتمع المتعوس على خايب الرجا. (درعا).
• لا بنعاس ولا بنباس مثل لوح الصبار. (درعا).
• فوق القرّ صميلة. (درعا).
• بجهنم و بيتباعصوا. (درعا).
• مثل كلب التينة..لا بيوكل ولا بيطعمينا. (درعا).
• اللي بعتاز الكلب بيقولو يا حج احمد. (درعا).
• ما بيشكر بحالو إلا الشيطان. (درعا).
• يلي بيعرف بيعرف..ويلي ما بيعرف بقول : كف عدس. (درعا).
• مقرض ربو طحنة. (درعا).
• هات ايدك ولحقني (القنيطرة).
• زرزوركفل عصفور طلعوا التنين طيارين. (إدلب).
• صافي يالبن. (إدلب).
• الكرم أكرم من صاحبو: أي لا حرج على الإنسان في إدلب أن يقطف و يأكل من تينها وعنبها ولكن دون الإساءة لأشجارها. (إدلب).
• كول التين وخرى على الجوز: هذا القول يضرب للتورية في شخصين قادمين لعندك وغير مرغوب بهما. (إدلب).
• لاصوت طيب ولاطيز ناعمه: يضرب في الشخص الذي لا يمتلك العنف والمعرفة ولا الجمال الشخصي. (إدلب).
• ماحدي بقول عن زيتو عكر. (إدلب).
• هلأ زمر بنيك: يقال هذا المثل عندما يحصل الإنسان على حقه. (إدلب).
• بطالعو السمرة، حق بودرة وحمرة (حماة).
• لانك أحمر خد، ولا أأصل جد (حماة).
• على قد بساطك مد رجليك (حماة).
• مكتوب على ورق الخيار يلي بيسهر بالليل بنام بالنهار. (حماة).
• البرغوث قال للبقة، يضرب الشرشوح إذا ترقى. (حماة).
• الجمل عرج من شفتو. (حماة).
• لابق للشوحة مرجوحة ولأبو بريص قبقاب. (حماة).
• ريتو أعمى كتاب الكتاب. (حماة).
• شو أحلى من الحلاوة، قلو الصلح بعد العداوة. (حماة).
• رضينا فيه والمخطة على تمه، لاعجبناه ولاعجبنا أمة. (حماة).
• كبرت البتنجانة ودندلت جراسها، ونسيت الزبل يلي على رأسها. (حماة).
