محافظة حمص

التراث اللامادي في محافظة حمص

التراث اللامادي في حمص

يشمل التراث اللامادي في محافظة حمص كل المرويات الشفوية التي تم تناقلها جيلاً عبر جيل، مثل الحكايا والأمثال الشعبية، العادات والتقاليد، الهتافات والأغاني الشعبية، الرقص الشعبي والدبكات...


الحكايات الشعبية في حمص

الأمثال الشعبية في حمص

عادات وتقاليد الزواج في محافظة حمص

تقاليد العرس في حمص .. الخطبة والكسوة

تقاليد العرس في حمص .. حمام العروس

 الزغاريد والهناهين في محافظة حمص:

عند نقل كسوة العروس:

ها وسبع بقج بقجتك

هل والثامنة بالصندوق

ها يخلي شوارب أبوك

ها يا اللي ما عازك لمخلوق

لي لي لي ليش

ها قبقابك إجا من سير

ها وفستانك جناح الطير

ها لا جهازك عيري

ها ولا مهرك إجا بالدين

لي لي لي ليش

في حمام العروس:

ها قيمي براسك ولا تحني بقامتك

ها كل النيات إجو تحت طاقتك

ها لمنْ جلوكِ ورخّوا سالف التركي

ها نحن الثلاثة وقعنا بمحبتك

لي لي لي ليش

ليلة الحنة، في بعض أنحاء حمص، كان العريس هو الذي يُحضر الحناء، وعندما يستلمه أهل العروس، تنطلق الزغاريد:

ها جيناكي الأحمر جرح كفك

ها يا بنت الشيخ يابنت الدراويشي

ها ولو قدر الله حكمي وصرت مثلك

ها لاعُقد عقادي وحط النقد من كيسي

لي لي لي ليش

بعد انتهاء طقوس الحنة:

ها يا عروسة ريتها مباركة الحنة

ها يللي سبيتي الحواري الساكنة الجنة

ها يللي سبيتي الحواري في بها حسنك

ها وجبين مثل البدر يا ناس جبنا

ها يا عروستنا وقفتك وقفة البنا

هالنقش بكفوفك صفقنا له غنى

ها حط القدم عالقدم سمعنا له رنة

ها وبوجودك البيت راح يصير جنة

لي لي لي ليش

عند استقبال العروس في منزل العريس:

قوموا من الدرب … لتمرق الستات

قوموا من الدرب … لتمرق أميرتكم

ها بنت شيخ العرب … جاي تشرفكم

لي لي لي ليش

فيجيب أهل العريس:

أهلاً وسهلاً فيكم … يا ضيوف اعزاز

انتو عزازي وجيتو … من بلاد عزاز

أحلا من الشهد … أحلا من طيور الباز

أحلا من القرش … لو كان صاحبو معتاز

وتعود النساء لترد:

يا دارنا دقي والعبي حربي

فيك الثريا وفيك مسكن الغربي

فيك “اسم العريس” يتنقل بمحرمته

خصرو رقيق وزنارو حرير وردي

عند دخول العريس؟ في حال دخل والده معه:

أبو “فلان” ريتك دايم

يا راعي الحشايم

ريتك تعيش وتسلم

وتلتم عندك اللمايم

ويرددن للعريس:

عريس عريس لا تندم على مالك

حواجب عروستك خط لقلامك

ها حواجب عروستك قوس محنية

ها بتسوى بنات حارتك متل ما هيه

لي لي لي ليش

أو يقلن:

عا عريسنا لا تندم على مالك

ها بيروح المال وست الحسن تبقى لك

ها بطلب من رب السما ييجيبها لدارك

لي لي لي ليش

في اليوم التالي عند  مغادرة أهل العروس منزل أهل العريس، يهزجن قبل المغادرة:

نحنا ومين يقدر يخاصمنا

يالابسين الخواتم بخناصرنا

سألت رب السما العالي ينصرنا

وبين العمائم تسلمي عمايمنا

 المراجع والهوامش:

(1) الأحمد (حالد عواد)، عادات ومعتقدات في محافظة حمص، منشورات وزارة الثقافة، دمشق عام 2011م، صـ 24-27

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى